Zarauzko alderdi Sozialistatik irmoki gaitzetsi nahi dugu gure udalerrian gertatzen den jarrera arrazista, xenofobo edo diskriminatzaile oro, edonondik datorrena eta nornahiren aurka zuzentzen dela.
Komunikabide batean jaso berri diren gertakariak, non Karambola bazarrak langileekiko irainak eta errespetu faltak salatzen dituen, ezin dira normalizatu. Zarautz herri irekia, anitza eta abegikorra da, eta horrelako jokabideek ez dituzte gizarte gisa defendatzen ditugun bizikidetza-balioak ordezkatzen.
Zarauzko alderdi Sozialistako bozeramaile Inaxio Illarramendik mezu argi bat helarazi nahi izan dio kaltetutako merkataritzari:
“Inork ez luke irainik, isekarik edo jarrera arrazistarik jasan behar bere lantokian. Pertsonen errespetua eta duintasuna beste edozein kontsiderazioren gainetik daude, eta ez daude jatorriaren, adinaren edo hizkuntzaren mende”.
Alderdi Sozialistatik gure babesa eta elkartasuna adierazi nahi diegu dendako langile eta jabeei. Denda horrek urteak daramatza Zarauzko egunerokotasunaren parte izaten, eta udalerriko bizitza ekonomiko eta sozialean laguntzen du, tokiko beste edozein negozio bezala.
Era berean, arrazakeriaren eta xenofobiaren aurkako borroka ez da gai instituzionala bakarrik, hezkuntzakoa eta soziala ere bada. Errespetua, enpatia eta bizikidetza txikitatik ikasten dira, eta guztien inplikazioa eskatzen dute: familiak, ikastetxeak, erakundeak eta herritarrak oro har.
Illarramendik adierazi duen bezala, “ezin dugu beste aldera begiratu eta ezin ditugu jarrera horiek justifikatu umekeria soil gisa. Arrazakeria eta errespetu falta, nahiz eta adingabeenak izan, gizarte osoak adierazi eta baztertu behar ditu “. Alderdi Sozialistatik berdintasunean, errespetuan eta bizikidetzan oinarritutako Zarautzekin dugun konpromisoa berresten dugu, eta oinarrizko balio horien aurkako edozein jokabide baztertzeko deia egiten dugu.
