Datorren martxoaren 6ean Donostian izango den Lilatoiaren XXXII. edizioan Lilatoian parte hartu nahi baduzu, Zarauzko Emakumeen* etxearen izenean egin dezakezu eta, honela, lasterketako kamiseta eta dortsala Emakumeen* Etxean bertan jaso ahal izango dituzu. Horretarako, hau da egin behar duzuna:
- Izena ematean (urtarrilaren 27an irekitzen da epea), TALDEA atalean Zarauzko Emakumeen * Etxea jarri beharko da.
- Kamiseta eta dortsala Donostiako ‘Casa de la Mujer’-en jaso nahi dela zehaztu, baina benetan Zarauzko Emakumeen* Etxean jasoko duzu.
- Zarauzko parekidetasun departamentura emaila bidali (berdintasuna@zarautz.eus) zure datu hauek adieraziz:
- Izen-abizenak.
- NAN zenbakia.
- Kamisetaren taila.
Mezua jasotzen dugunean jakinaraziko dizugu zein egunetan etorri beharko duzun kamisetaren bila.
