2025/03/21
Zarautz Euskadiko halterofiliaren topagune bilakatuko da larunbat honetan, Aritzbatalde pilotalekuan lehiatuko den Euskadiko Halterofilia Txapelketarekin. Lehiaketan erkidegoko halterofilo onenak bilduko dira, lurralde bakoitzeko 5 neskak eta 5 mutilek parte hartuko dutelarik.
Ekitaldiak 16:00etan izango du hasiera eta 20:15era arte luzatuko da, kirol eta lehia apartak eskainiz.
“Halterofilia azken urteetan Zarautzen asko hazi den kirola da. Larunbateko txapelketa herrian halterofilia sustatzeko egiten ari den lanaren emaitza da, herria diziplina honetan erreferente bihurtuz”, adierazi du Inaxio Illarramendi (PSE-EE) Kirol zinegotziak.
