2024/05/22
Bost hilabete igaro dira jada Zarautzen Mugiment Kirol Txartela ezarri zenetik. Inaxio Illarramendi (PSE-EE) Kirol zinegotziak azaldu duen moduan, “urtarrilean martxan jarri zenetik, txartel horren harrerak eta erabilerak aurreikuspen guztiak gainditu dituzte, eta Aritzbatalde kiroldegiko erabiltzaileen onurarako beste tresna bat dela erakutsi du, beste udalerri batzuetan aukera gehiago izan baitituzte, inolako kosturik gabe”.
Mugiment Kirol Txartelak, batez beste, 100 erabiltzaile baino gehiago izan ditu hilean, eta beste udalerri batzuetako kirol-instalazio eta -zerbitzuetara doan sartu ahal izan dira.
Mugiment Kirol Txartelaren arrakastan oinarrituta, eta jarduera fisikoa eta udalerrien arteko elkartrukea sustatzen jarraitzeko, kirol-instalazioen erabilera zabalduko da beste udalerri batzuetako erabiltzaileentzat, eta Mugiment Kirol Txartelarekin Aritzbatalde kiroldegiko igerilekura sartu ahal izango dira 13:00etatik 16:00etara bitartean.
“Horrela, Zarauzko Udalak kirola sustatzeko duen konpromisoa berresten du, gure herritarren ongizaterako eta bizi-kalitaterako funtsezko zutabea baita. Lanean jarraituko dugu gure komunitatean bizimodu aktiboa eta osasungarria bultzatuko duten ekimen eta aukera berriak eskaintzeko”, gehitu du Illarramendik.
