2024/12/12
Berdintasun departamentuak “Heldu bilakatzearen abentura” gida helarazi die Zarauzko ikastetxeei 4 urtez jarraian. Lehen Hezkuntzako 4. mailako ikasleei banatuko zaie.
“Gida honen helburua da, informazioa emateaz gain, familiak animatzea seme-alabekin sexualitateari buruz hitz egitera. Uste dugu gida txiki hau modu polita izan daitekeela nerabezaroa hasi aurretik beren gorputzetan izango dituzten aldaketei buruz irakurtzeko eta naturaltasunez hitz egiteko”, azaldu du Gloria Vazquez (PSE-EE) Berdintasun zinegotziak.
Irrimarra enpresak egindako marrazki erakargarriak ditu gida honek, eta adingabeen adinera egokitutako hizkera hurbilean idatzita dago, baina Aitziber Estonba sexologoaren zorroztasunez, Sexu aholkularitza eta ikastetxeetako berdintasun-programen zuzendaria baita. biak Berdintasun Sailak abian jarri dituenak.
“Adin digitalean, 12 urtetik beherako 4 adingabetik 1ek pornografia eskuratu du jada, eta horren aurrean, funtsezkoa iruditzen zaigu familian sexualitateaz modu seguruan eta naturaltasunez hitz egitea. Familian sexualitateaz hitz egiteko oraindik dauden tabuak apurtu behar ditugu, eta uste dugu gida txiki hau tresna ona izan daitekeela Gabonetarako”, gehitu du Vazquezek.
